Ниссан Тур 2012 аяллын багийнхан үлэг гүрвэлийн өлгий нутаг Өмнөговь аймгаар аялаад ирлээ
Ниссан Тур байгаль, танин мэдэхүй-дисковери, адал явдал, бартаат замын аялал нь жил бүр Моннис Моторс компаниас зохион байгуулдаг ба зөвхөн Ниссан брэндийн 4х4 харьцах автомашинууд оролцдогоороо онцлог юм. Ниссан Тур аялал нь Ниссан бартаат замын жийп автомашины хүч чадлыг Монголын бартаат замд шалгах мөн дотоодын аялал жуулчлалыг хөгжүүлэх, монгол орны үзэсгэлэнт байгаль, түүх соёлын дурсгалт газрууд, орон нутгийн хөгжлийн мэдээллийг телевиз үзэгчдэд таниулах зорилготой юм.
Ниссан Тур аялал нь 2007 онд Өвөрхангай, 2009 онд Хэнтий, 2010 онд Хөвсгөл, 2011 онд Завхан аймгуудаар амжилттай аялж, түүх соёлын үнэт ховор газрууд болон байгалийн үзэсгэлэнт газруудыг үзэгч, аялагч, олон нийтэд танилцуулсан билээ.
Компаниас аялалд оролцож буй автомашинуудын шатахуун, автомашины засвар үйлчилгээ болон бусад зардлуудыг бүрэн хариуцдагаараа онцлог юм.
Жил бүрийн 7-р сард зохион байгуулагддаг Ниссан Тур аялал нь Ниссан 4х4 автомашиныг эзэмшигч, эрхэм харилцагч та бүхэнд нээлттэй байх болно.
Ниссан 4х4 автоклуб
Моннис Моторс компани
НИССАН ТУР 2012
Өмнөговь аймаг, Монгол Улс
7-р сарын 15-аас 15 - 26 өдрүүд /12 өдөр/
Ниссан Тур аялал:
Монгол орны үзэсгэлэнт байгалийг таниулах, дотоодын аялал жуулчлалыг хөгжүүлэх зорилготой байгаль танин мэдэхүй, адал явдал бартаат замын аялал
Өмнөговь аймгийг сонгосон учир:
Дэлхийд Монголынх хэмээн тодотгон гайхуулах олон бахархал байдгийн нэг нь зэрэглээ мяралзаж, элс нь алтран, тэмээн сүрэг нь ханайсан говь нутаг маань билээ. “Ниссан Тур” аялал хоёр жилийн өмнө Монгол орны хамгийн хойд цэгт очиж, хүчит төмөр хүлгийн чансааг сорьж байсан бол энэ удаа өмнөд бүсээр аялангаа эх орныхоо хамгийн урд цэгийг “Ниссан” хөлгийнхөө дугуйгаар “тамгалах”-аар шийдсэн юм.
Өмнөх дөрвөн аяллаараа бид уул, ус, өндөр даваа, ой мод, намаг шавар, хад асга хосолсон хангайн бүсүүдээр аялж, арвин их туршлагыг хуримтлуулсан. Харин говийн бүсэд хийсэн энэ удаагийн аялал Ниссан Тур аяллын түүхэнд цоо шинэ хуудсыг нээсэн төдийгүй очсон газар бүр олон мянган жилийн өмнөх мөр, түүхийг агуулсан байгалийн өвөрмөц тогтоцтой байлаа. Оньсого мэт үлэг гүрвэлийн өлгий нутагт хүчирхэг “Ниссан”-ы төмөр хүлгүүдийн “шандсыг” сорих 2012 оны аяллын өдрүүдтэй танилцана уу.
Өмнөговь аймгийн тухай товч мэдээлэл
* Газар нутаг - 165,0 мянган ам дөрвөлжин километр
* Сумын тоо – 15
* Хүн ам - 46,3 мянга
* Аймгийн төв - Даланзадгад /УБ хотоос 553 км зайнд оршдог
* Хил нутаг - Баянхонгор, Өвөрхангай, Дундговь, Дорноговь аймгуудтай хөрш оршдог. Өмнө талаараа 700 км газраар БНХАУ-ын ӨМӨЗО-ны Баяннуур, Альшаа аймгуудтай 2 боомтоор хиллэдэг.
* Нийт хоног: 12 өдөр /7-р сарын 15-аас 7-р сарын 26/
* Автомашины тоо: 6
* Аялагчдын тоо: 23
* Аяллын газрын зураг: 
Энд дарж аяллын тайлантай танилцана уу.